ШЫМҚАЛА – ГҮЛҚАЛА: БИЫЛ 1,6 МЛН ҚЫЗҒАЛДАҚ ГҮЛДЕДІ 🔷 Шымкент қаласының аумағына биылғы көгалдандыру жұмысы аясында 1,6 миллион қызғалдақ егілді. Бұл өткен жылғы көрсеткіштен 600 мыңға артық. 🔷 Қызғалдақтар арнайы Нидерландыдан жеткізіліп, гүлдерді күтіп-баптау жұмысы мемлекеттік-жекеменшік әріптестік аясында бекітілген кестеге сәйкес жүргізілуде. 🔷 Әсем гүлдер қаладағы барлық аудан аумағына егіліп, негізгі көшелер мен қоғамдық орындарды қамтыды. Атап айтқанда: * Абай ауданында – 318 000; * Әл-Фараби ауданында – 399 000; * Еңбекші ауданында – 127 250; * Қаратау ауданында – 401 500; * Тұран ауданында – 254 250. 🔷 Сонымен қоса, саябақтарға 100 мың гүл егілді. 🔷 Жалпы, қызғалдақ гүлдері қаланың эстетикалық келбетін арттырып, тұрғындар мен қонақтарға ерекше көктемгі атмосфера сыйлап отыр. Шымкент қаласы әкімінің баспасөз қызметі

АППАРАТ ОТЫРЫСЫ: ӨЗЕКТІ МӘСЕЛЕЛЕР ҚАРАЛДЫ 🔷 Шымкент қаласының әкімі Ғабит Сыздықбековтің төрағалығымен өткен аппараттық кеңесте қаланы көгалдандыру және абаттандыру, қыс мезгілінен кейінгі жолдардың жай-күйі мен кепілдік мерзіміндегі нысандар, сондай-ақ, кеміргіштер мен зиянкестерге қарсы өңдеу жұмыстары және қаңғыбас жануарлар санын реттеу мәселелері қаралды. 🔷 Қалалық жайлы ортаны дамыту басқармасының басшысы Әбілқайыр Оңғардың айтуынша, биыл Шымкентте көгалдандыру және қалада қолайлы орта қалыптастыру бойынша кешенді шаралар жүзеге асырылады. Магистральды көшелердің бойына шамамен 1,6 млн сәндік бұта егіледі. Бұл жұмыс заманауи тамшылатып суару жүйелерін енгізумен қатар жүргізіліп, жасыл желектің сапалы күтімі мен сақталуы қамтамасыз етілмек. 🔷 Тігінен көгалдандыруға ерекше көңіл бөлінуде. Қаладағы негізгі алты көшенің бойында 1600-ден астам құрылым, гүл құмыралары мен гүл композициялары орнатылады. Бұл қала келбетін жақсартып қана қоймай, микроклиматқа да оң әсер етеді. Көгалдандыру үшін арнайы гүл базасы құрылған. Жылыжайларда 2 млн-нан астам біржылдық және көпжылдық гүл өсіріліп, бюджет қаржысын тиімді пайдалануға мүмкіндік беруде. 🔷 Сонымен қатар, Қошқар ата өзенін кезең-кезеңімен абаттандыру жұмыстары жалғасуда. Биыл Интернациональная көшесінен Дулатов көшесіне дейін жаңартылады. Сондай-ақ, жаңа қоғамдық кеңістіктер құру және қолданыстағы нысандарды жаңарту жалғасады. 🔷 Жолаушылар көлігі және автомобиль жолдары басқармасының басшысы Ролан Ибрагимовтың мәліметінше, 2021-2026 жылдары жалпы ұзындығы 747,7 шақырым болатын 360 нысанға кепілдік қызмет көрсетіледі. 🔷 Мегаполистегі көше-жол желісін тексеру нәтижесінде мердігер ұйымдарға анықталған ақауларды жою бойынша 26 ескерту жасалған. Қазіргі уақытта қалпына келтіру жұмысы жүргізілуде. Кепілдік міндеттемелер өз уақытында орындалмаған жағдайда материалдар сот органдарына жолданады. 🔷 Ауыл шаруашылығы және ветеринария басқармасының басшысы Талғат Мекамбаев қалада маусымдық дезинфекциялық жұмыс басталғанын хабарлады. Ауыл шаруашылығы төлдері, шаруашылық құрылыстар, сондай-ақ, саябақтар мен қоғамдық орындар өңделуде. Жұмысты бригадалар арнайы техникамен бірнеше кезең бойынша жүргізеді. 🔷 Жәндіктер мен кеміргіштерге қарсы күреске ерекше назар аударылуда. Биыл дезинсекциялық шаралар күшейтіліп, өңдеу көлемі екі еседен астам артты. Сондай-ақ, сәуір айынан бастап өзендер, каналдар және қоқыс алаңдарында жоспарлы дератизация басталады. Сонымен қатар, иттерді аулау, оларды күтіп-ұстау және стерилизациялау, кейін табиғи ортасына қайтару жұмысы жүргізілуде. 🔷 Бұдан бөлек, үй жануарларын ұстау қағидаларының сақталуына бақылау күшейтіліп, талаптарды бұзғандарға әкімшілік жауапкершілік қарастырылған. Жалпы, қабылданған шаралар санитарлық жағдайды жақсартуға, ауру таралуының алдын алуға және қала тұрғындарының қауіпсіздігін қамтамасыз етуге бағытталған. 🔷 Кеңес қорытындысы бойынша қала әкімі көгалдандыру мен абаттандыру жұмысын жандандыруды, жол инфрақұрылымын сапалы күтіп-ұстауды және аумақтарды санитарлық өңдеуді күшейтуді тапсырды. Шымкент қаласы әкімінің баспасөз қызметі

ШЫМКЕНТ «ЖЕР САҒАТЫ» ХАЛЫҚАРАЛЫҚ ЭКОЛОГИЯЛЫҚ АКЦИЯСЫН ҚОЛДАДЫ 🔷 Жыл сайын дүние жүзінде климаттың өзгеруіне назар аударуға, табиғатқа ұқыпты қарауға және ресурстарды тиімді пайдалануға бағытталған «Жер сағаты» халықаралық экологиялық акциясы өткізіледі. Биыл акция бүгін сағат 20:30-дан 21:30-ға дейін өтті. Осы уақытта бүкіл әлемдегі ғимараттар мен сәулеттік нысандардың жарығы символикалық түрде өшірілді. 🔷 Шымкент қаласы да бұл бастаманы қолдады. Акция аясында бірқатар әкімшілік және қоғамдық ғимараттың сыртқы жарықтандыруы уақытша сөндірілді. 🔷 Айта кету керек, жыл сайын бұл акцияға 180 елден 2 миллиардтан астам адам және 7 мыңға жуық қала қатысады. Биыл акция әлемде 19-рет, ал Қазақстанда 17-рет өткізілуде. Шымкент қаласы әкімінің баспасөз қызметі

ЖЫЛЫТУ МАУСЫМЫН 1 СӘУІРДЕ АЯҚТАУ ЖОСПАРЛАНУДА 🔷 Шымкент қаласында көктем мезгілінің басталуына және ауа райының жылынуына байланысты жылыту маусымын 1 сәуірде аяқтау жоспарлануда. 🔷 Ал қызмет сапасын арттыру мақсатында тұрғындардың өтініштері негізіндегі тиісті жұмыс жыл бойы жалғаса береді. 🔷 Осыған орай сыртқы жылыту жүйелерін жөндеу немесе профилактикалық жұмыс жүргізу қажет болған жағдайда тұрғындар Шымкент қаласының Энергетика және инфрақұрылымды дамыту басқармасына немесе «Қуатжылуорталық-3» МКК-нің диспетчерлік қызметіне хабарласа алады. Шымкент қаласы әкімінің баспасөз қызметі

ДЕНДРОСАЯБАҚТА КІТАПХАНА АШЫЛДЫ 🔷 Шымкентте А.Асқаров атындағы мемлекеттік дендрологиялық саябақ аумағында келушілерге қолайлы жағдай жасау мақсатында маңызды жоба сәтті жүзеге асырылды. Жасанды көл маңындағы бұрынғы ескі ғимарат жаңартылып, орнына заманауи кітапхана мен шахматшылар үйі ашылды. 🔷 Жеке инвесторлардың қолдауымен салынған жаңа нысан саябақ инфрақұрылымын жаңа деңгейге көтеріп, келушілердің бос уақытын сапалы әрі мазмұнды мүмкіндік береді. 🔷 Ауданы 280 м² кітапхана қоры 5 мыңнан астам әдеби, ғылыми және психологиялық бағыттағы кітаппен толықтырылған және жанында 180 м² ашық терраса орналасқан. 🔷 Жоба аясында зияткерлік демалысқа да ерекше көңіл бөлініп, шахмат ойнауға арналған арнайы 50 м² аумақ қарастырылып отыр. 🔷 Сонымен қатар, нысанның ішкі кеңістігі де ыңғайлы жоспарланған. 🔷 Заманауи үлгідегі нысандар қазірдің өзінде қала тұрғындары мен қонақтары үшін тартымды орынға айналып, ерекше қызығушылық тудыруда. Бұл жоба – мегаполистің мәдени-демалыс және туристік әлеуетін арттыруға бағытталған жарқын бастамалардың бірі. Шымкент қаласы әкімінің баспасөз қызметі

МАҢЫЗДЫ ХАБАРЛАМА Шымкент тұрғындары мен қала қонақтарының назарына! 26-27 наурыз күндері Шымкентте Digital Qazaqstan форумы өтеді. Осыған байланысты сағат 11:00-де Темірлан тасжолы, Желтоқсан көшесі, Қонаев және Бәйдібек би даңғылдарының бір жағы жабылып, көлік қозғалысы шектеледі. Уақытша қолайсыздыққа түсіністік танытып, жол жүру бағытын алдын ала жоспарлауды сұраймыз. Шымкент қаласы әкімінің баспасөз қызметі

АКИМАТ ШЫМКЕНТА ВЫИГРАЛ СУД: СТРАТЕГИЧЕСКИЕ ВОДНЫЕ ОБЪЕКТЫ ВОЗВРАЩЕНЫ В ГОССОБСТВЕННОСТЬ 🔷 Акимат Шымкента выиграл судебное разбирательство о возврате объектов водоснабжения и водоотведения в госсобственность. Городской суд вынес решение в пользу акимата по возвращению стратегически важных объектов водоснабжения и водоотведения в государственную собственность. Апелляционная инстанция оставила решение без изменений, а апелляционную жалобу ТОО «Водные ресурсы-Маркетинг» — без удовлетворения. 🔷 Отметим, в Шымкенте проводится последовательная и системная работа по приведению в соответствие с законодательством вопросов управления стратегическими объектами коммунальной инфраструктуры. Данная работа осуществляется во исполнение решений Комиссии по демонополизации экономики под председательством Премьер-Министра Республики Казахстан и направлена на обеспечение прозрачности, законности и защиты интересов населения в сфере жизнеобеспечения. 🔷 История вопроса берет начало с анализа правовых оснований передачи в частное управление объектов водоснабжения и водоотведения, находившихся в ведении ТОО «Водные ресурсы-Маркетинг». В ходе проведенной проверки были выявлены существенные нарушения, допущенные при приватизации данных объектов. 🔷 В этой связи, акиматом города Шымкент в установленном законом порядке были инициированы судебные разбирательства с целью возврата стратегически важных объектов коммунальной инфраструктуры в государственную собственность. По итогам рассмотрения дела в 2025 году специализированный межрайонный экономический суд города Шымкент вынес решение о признании приватизации объектов недействительной и их возврате в государственную собственность. 🔷 ТОО «Водные ресурсы-Маркетинг», не согласившись с данным решением, подало апелляционную жалобу. По результатам рассмотрения дела в апелляционной инстанции решение суда первой инстанции оставлено без изменений, апелляционная жалоба — без удовлетворения. Таким образом, судебными органами подтверждена законность требований акимата города Шымкент и обеспечен возврат объектов водоснабжения и водоотведения в государственную собственность. 🔷 Необходимо подчеркнуть, что рассматриваемый спор выходит за рамки обычных хозяйственных разногласий. Речь идет о функционировании системы водоснабжения и водоотведения, напрямую влияющей на санитарно-эпидемиологическую безопасность, экологическое состояние и устойчивое развитие города. 🔷 Акимат города Шымкент отмечает, что вся проводимая работа осуществлялась исключительно в правовом поле и была направлена на защиту интересов государства и жителей города. В результате принятых судебных решений обеспечивается восстановление прозрачного и эффективного управления стратегическими объектами жизнеобеспечения. 🔷 Принятые решения не окажут негативного влияния на трудовые коллективы и функционирование системы в целом. Все рабочие места будут сохранены, а системы водоснабжения и водоотведения продолжат функционировать в штатном режиме. Кроме того, все действующие финансовые обязательства будут исполнены в установленном порядке. 🔷 Возвращаемые объекты коммунальной инфраструктуры будут переданы под надлежащую охрану и контроль. Особое внимание будет уделено вопросам безопасности, экологической устойчивости и качества предоставляемых услуг. Все необходимые меры планируется реализовать поэтапно без ущерба для населения и бизнеса. 🔷 Акимат города Шымкент подтверждает приверженность принципам законности, открытости и ответственности при управлении стратегическими ресурсами города. Пресс-служба акима города Шымкент

ШЫМКЕНТ ӘКІМДІГІ СОТТА ЖЕҢІСКЕ ЖЕТТІ: СТРАТЕГИЯЛЫҚ СУ НЫСАНДАРЫ МЕМЛЕКЕТ МЕНШІГІНЕ ҚАЙТАРЫЛДЫ 🔷 Шымкент қаласының әкімдігі сумен жабдықтау және су бұру нысандарын мемлекет меншігіне қайтару жөніндегі сот ісінде жеңіске жетті. Қалалық сот стратегиялық маңызы бар нысандарды мемлекет меншігіне қайтару туралы шешімді әкімдік пайдасына шығарды. Апелляциялық саты бұл шешімді өзгеріссіз қалдырып, «Су ресурстары-Маркетинг» ЖШС-нің шағымын қанағаттандырусыз қалдырды. 🔷 Жалпы Шымкентте коммуналдық инфрақұрылымның стратегиялық нысандарын басқару мәселелерін қолданыстағы заң талаптарына сәйкестендіру бағытында кезең-кезеңімен жүйелі жұмыс жүргізіліп келеді. Бұл шаралар ҚР Премьер-Министрінің төрағалығымен өткен экономиканы монополиядан арылту жөніндегі комиссия шешімдерін орындау аясында қолға алынған. Негізгі мақсат — тіршілікті қамтамасыз ету саласында ашықтықты қамтамасыз етіп, заң талаптарының сақталуын күшейту және тұрғындар мүддесін қорғау. 🔷 Мәселенің негізі «Су ресурстары-Маркетинг» ЖШС-нің қарамағындағы сумен жабдықтау және су бұру нысандарын жекеменшік басқаруға беру кезінде құқықтық негіздердің заңдылығын талдаудан басталды. Жүргізілген тексеру барысында нысандарды жекешелендіру кезінде айтарлықтай заңбұзушылықтар анықталды. 🔷 Осыған байланысты қала әкімдігі заңда белгіленген тәртіппен стратегиялық маңызы бар коммуналдық инфрақұрылым нысандарын мемлекет меншігіне қайтару үшін сотқа жүгінді. 2025 жылы Шымкент қаласының мамандандырылған ауданаралық экономикалық соты жекешелендіруді жарамсыз деп танып, нысандарды мемлекет меншігіне қайтару туралы шешім қабылдады. 🔷 Бұл шешіммен келіспеген «Су ресурстары-Маркетинг» ЖШС апелляциялық шағым түсірді. Алайда апелляциялық саты бірінші сатыдағы сот шешімін өзгеріссіз қалдырды. Осылайша, сот әкімдік талаптарының заңдылығы расталып, нысандар мемлекет меншігіне қайтарылды. 🔷 Айта кету керек, бұл мәселе тек қарапайым шаруашылық сипаттағы даумен шектелмейді. Әңгіме қаланың санитариялық-эпидемиологиялық қауіпсіздігіне, экологиялық ахуалына және тұрақты дамуына тікелей әсер ететін маңызды жүйелер туралы болып отыр. 🔷 Атқарылған жұмыстардың барлығы заң аясында жүзеге асырылды және мемлекет пен тұрғындар мүддесін қорғауға бағытталған. Қабылданған сот шешімдері стратегиялық нысандарды басқарудың ашық әрі тиімді жүйесін қалпына келтіруге мүмкіндік береді. 🔷 Сонымен қатар, бұл өзгерістер еңбек ұжымдарына және жүйенің жалпы жұмысына кері әсерін тигізбейтінін атап өткен жөн. Барлық жұмыс орындары сақталып, сумен жабдықтау және су бұру жүйелері штаттық режимде жұмысын жалғастырады. Қолданыстағы қаржылық міндеттемелер белгіленген тәртіппен орындалады. 🔷 Мемлекет меншігіне қайтарылатын нысандар тиісті бақылауға алынып, олардың қауіпсіздігі, экологиялық тұрақтылығы және көрсетілетін қызмет сапасына ерекше назар аударылады. Барлық шаралар тұрғындар мен бизнеске зиян келтірмей, кезең-кезеңімен іске асырылады. 🔷 Шымкент қаласының әкімдігі стратегиялық ресурстарды басқаруда заңдылық, ашықтық және жауапкершілік қағидаттарына басымдық береді. Шымкент қаласы әкімінің баспасөз қызметі

НАУРЫЗ МЕРЕКЕСІ ҚАРСАҢЫНДА 50 ОТБАСЫ ЖАҢА ПӘТЕРЛІ БОЛДЫ 🔷 Шымкентте Наурыз мейрамы қарсаңында 50 отбасыға жаңа пәтерлердің кілті тапсырылды. Бұл әлеуметтік маңызы зор іс-шара азаматтарды қолжетімді баспанамен қамтамасыз ету бағытындағы мемлекеттік саясаттың жүйелі жүзеге асырылып жатқанының тағы бір дәлелі. 🔷 Салтанатты кілт табыстау рәсімі «Көрме» орталығында өтіп, оған қала әкімі Ғабит Сыздықбеков қатысты. Мегаполис басшысы тұрғындарды құттықтап, баспана мәселесін шешуде мемлекеттік қолдаудың маңыздылығын атап өтті. 🔷 Айта кетейік, көп қабатты үйлер Бозарық шағынауданында орналасқан. Пәтерлер үй кезегінде тұрған және «Отбасы банк» АҚ «2-10-20» және «5-10-20» жеңілдетілген несиелеу бағдарламалары арқылы төлем қабілеттілігін растаған азаматтарға берілді. 🔷 Пәтерлерді үлестіру кезінде халықтың әлеуметтік осал топтарына ерекше көңіл бөлінді. Баспаналы болғандардың қатарында көп балалы және толық емес отбасылар, ерекше балаларды тәрбиелеп отырған отбасылар, мүмкіндігі шектеулі азаматтар, жетім балалар, сондай-ақ, бюджеттік ұйымдардың қызметкерлері бар. 🔷 Бұл жүзеге асырылып жатқан бастамалардың атаулы және әлеуметтік бағыттағы сипатын тағы бір рет айқындайды. Мұндай жобаларды іске асыру Мемлекет басшысының тапсырмалары аясында жүргізіліп, халықтың өмір сүру сапасын арттыруға, тұрғын үй инфрақұрылымын дамытуға және жайлы қалалық ортаны қалыптастыруға бағытталған. 🔷 Айта кету керек, Шымкент тұрғындарын қолжетімді әрі сапалы баспанамен қамтамасыз ету жүйелі түрде жалғасады. Құрылыс көлемін кезең-кезеңімен арттыру және мемлекеттік бағдарламалардың қамту аясын кеңейту арқылы қала тұрғындары баспана жағдайын жақсарта алады. Шымкент қаласы әкімінің баспасөз қызметі

МАҢЫЗДЫ ХАБАРЛАНДЫРУ 🔷 Құрметті Шымкент тұрғындары мен қала қонақтары! 🔷 Бәйдібек би даңғылының Назарбаев даңғылынан Мұстафа Шоқай көшесіне дейінгі аралығында жол жөндеу жұмысының жүргізілуіне байланысты көлік қозғалысы уақытша жартылай шектелетінін хабарлаймыз. 🔷 19 наурыз күні сағат 09:00-ден 00:00-ге дейін жолдың оң жақ бөлігі жартылай жабылады. 🔷 20 наурыз күні сағат 09:00-ден 00:00-ге дейін жолдың сол жақ бөлігі жартылай жабылады. 🔷 Осыған байланысты қала тұрғындары мен көлік жүргізушілерінен қозғалыс бағытын алдын ала жоспарлап, уақытша қолайсыздықтарға түсіністікпен қарауды сұраймыз. Шымкент қаласы әкімінің баспасөз қызметі

ҰЛТТЫҚ КИІМ ДИЗАЙНЕРЛЕРІНІҢ СӘН ДЕФИЛЕСІНЕ ШАҚЫРАМЫЗ 🔷 18 наурыз күні – Ұлттық киім күніне орай Шымкент қаласында ұлттық киім дизайнерлерінің сән дефилесі мен көрмесі ұйымдастырылады. 🔷 Концерттік-көрме орталығында мегаполистің ұлттық киім брендтерін қалыптастырған кәсіпкерлер мен отандық дизайнерлер көрермен назарына жаңа ұлттық киім үлгілерінің сән үлгілерін ұсынады. Сонымен қатар балалар арасындағы арнайы көрсетілім де ұйымдастырылмақ. 🔷 Көрмеге елімізге танымал ұлттық киім дизайнерлерінің туындылары ұсынылып, көрме-жәрмеңке арқылы қала тұрғындары мен қонақтары ұлттық киім мәдениеті мен дәстүрін жақыннан сезінуге мүмкіндік алады. 🔷 Бұл іс-шара Наурыз мерекесінің рухын дәріптеу мен мәдени мұраны насихаттау мақсатында өткізіледі. 🔷 Өтетін уақыты – 18 наурыз күні, сағат 11:00-де. 🔷 Өтетін орны – «Көрме» орталығы. Шымкент қаласы әкімінің баспасөз қызметі

МАҢЫЗДЫ ХАБАРЛАНДЫРУ 🔷 Шымкент тұрғындары мен қала қонақтарының назарына! 🔷 20 наурыз күні Б.Момышұлы көшесінен Айбергенов көшесіне дейінгі аралық, Әл-Фараби алаңы уақытша жабылатынын хабарлаймыз. 🔷 20 наурыз күні сағат 16:00-ден 21 наурыз түнгі 00:00-ге дейін осы аумақта көлік қозғалысы шектеледі. 🔷 Осыған байланысты сіздерден көлік бағыттарын алдын ала жоспарлауды сұраймыз. Шымкент қаласы әкімінің баспасөз қызметі

ШЫМКЕНТТЕ ХАЛЫҚАРАЛЫҚ ГАСТРОФЕСТИВАЛЬ ӨТЕДІ 🔷 Мегаполисте 21 наурыз күні «DamDastour» гастрономиялық фестивалі өтеді. Халықаралық іс-шара Әз-Наурыз мерекесінің он күндігі аясында ұйымдастырылмақ. 🔷 Фестиваль аясында отандық және шетелдік аспаздар өздерінің ерекше рецептері мен шеберліктерін көрсетіп, бірқатар номинация бойынша өзара үздіктерді анықтайды: * Ең дәмді кәуап; * Ең дәмді палау; * Ең дәмді самса; * Ең дәмді ұлттық тағам. Фестиваль тек тағамдармен шектелмей, қонақтар назарына мерекелік атмосфераға толы ауқымды мәдени-ойын-сауық бағдарлама ұсынылады: * Street style және K-pop бағыттары бойынша Dance Battle; * Домбрашылар өнері; * Батырлар шоуы; * Цирк әртістерінің қойылымдары; * Мотобайкерлер шеруі (Moto Show); * Спорттық автокөліктер көрмесі; * Қолөнершілер жәрмеңкесі. 🔷 Уақыты: 21 наурыз, сағат 12:00-де. 🔷 Өтетін орны: Әл-Фараби алаңы. Шымкент қаласы әкімінің баспасөз қызметі

Әлеуметтік желілерде «Алаш» базарына қатысты түрлі ақпараттар таралуына байланысты төмендегіні хабарлаймыз 🔷 Қазіргі таңда базар аумағындағы 200-ден астам бір қабатты ескі сауда орнынан тұратын сауда павильонын жаңарту жұмысы жоспарлануда. Бұл сауда орындарының қауіпсіздігін, санитарлық талаптарға сәйкестігін және келушілерге қолайлы жағдай жасау мақсатында жүргізіледі. 🔷 Жаңарту барысында ешбір кәсіпкер орынсыз қалдырылмайды. Базар әкімшілігі тарапынан барлық саудагерге балама сауда орындары (уақытша немесе тұрақты) ұсынылады. Қазіргі уақытта базар басшылығы саудагерлерге түсіндірме жұмысын жүргізуде. 🔷 Осыған байланысты тұрғындар мен кәсіпкерлерден расталмаған ақпараттарға сенбеуді және ресми дереккөздерге сүйенуді сұраймыз. Шымкент қаласы әкімінің баспасөз қызметі _____________________ В связи с распространением в социальных сетях различной информации, касающейся деятельности рынка «Алаш», сообщаем следующее. 🔷 В настоящее время планируется проведение работ по модернизации (реконструкции) торгового павильона, состоящего более чем из 200 одноэтажных устаревших торговых точек, расположенных на территории рынка. Данные работы направлены на повышение безопасности торговых мест, их соответствие санитарным требованиям, а также на создание более комфортных условий для посетителей. 🔷 В ходе реконструкции ни один предприниматель не останется без торгового места. Со стороны администрации рынка всем торговцам будут предложены альтернативные торговые места (временные или постоянные). В настоящее время руководство рынка проводит разъяснительную работу с предпринимателями. 🔷 В связи с этим, просим жителей и предпринимателей не доверять неподтверждённой информации и опираться только на официальные источники.

ШЫМКЕНТ ҚАЛАСЫНЫҢ ӘКІМІ ҒАБИТ СЫЗДЫҚБЕКОВ РЕФЕРЕНДУМДА ДАУЫС БЕРДІ 🔷 Шымкент қаласының әкімі Ғабит Сыздықбеков республикалық референдумға қатысып, өз дауысын берді. Мегаполис басшысы «Түркістан» сарайында орналасқан №231 сайлау учаскесінде дауыс берді. 🔷 Қала әкімі учаскеге таңертең келіп, заңнамада белгіленген тәртіпке сәйкес дауыс беру рәсіміне қатысты. Сайлау комиссиясының мүшелері оған бюллетень табыстап содан кейін әкім өз таңдауын жасады, бюллетеньді дауыс беру жәшігіне салды. Айта кетейік, бүгін еліміздің барлық өңірінде республикалық референдум өтуде. Сайлау учаскелері таңертеңнен бастап ашылып, азаматтарды күні бойы қабылдауда. Ел тұрғындары жалпыұлттық талқылауға ұсынылған мәселе бойынша дауыс беріп жатыр. 🔷 Референдум – азаматтардың тікелей ерік білдіруінің бір түрі және Қазақстан Республикасының заңнамасына сәйкес өткізіледі. Дауыс беруге сайлау құқығына ие барлық азамат қатыса алады. Шымкент қаласы әкімінің баспасөз қызметі _____________________ Аким Шымкента Габит Сыздыкбеков проголосовал на референдуме Аким города Шымкент Габит Сыздыкбеков принял участие в республиканском референдуме. Глава мегаполиса проголосовал на участке № 231, расположенном в здании "Түркістан сарайы". Аким города прибыл на участок утром и принял участие в голосовании в установленном законодательством порядке. Члены избирательной комиссии выдали бюллетень, после чего аким сделал свой выбор и опустил его в урну для голосования. Напомним, сегодня по всей стране проходит республиканский референдум. Избирательные участки открылись с утра и принимают граждан в течение всего дня. Жители страны голосуют по вопросу, вынесенному на всенародное обсуждение. Референдум является одной из форм прямого волеизъявления граждан и проводится в соответствии с законодательством Казахстан. В голосовании могут принять участие все граждане, обладающие избирательным правом. Пресс-служба акима города Шымкент

КӨКСАЙ: ТОЗЫҒЫ ЖЕТКЕН ҮЙЛЕРДІҢ ТҰРҒЫНДАРЫН КӨШІРУ ЖАЛҒАСУДА 🔷 Шымкентте Көксай шағынауданын жаңарту тұжырымдамасын жүзеге асыру жалғасуда. Бұл жоба қалалық ортаны жаңартып, тұрғындардың өмір сүру сапасын арттыруға бағытталған. Жобаның маңызды кезеңдерінің бірі – тозығы жеткен үйлерде тұратын азаматтарды реновация бағдарламасы аясында жаңа, заманауи әрі жайлы пәтерлерге көшіру. 🔷 Бағдарлама аясында бұған дейін жүз он отбасы жаңа баспанамен қамтылған болатын. Оларға Шымкент Сити және Тұран шағынаудандарындағы тұрғын үй кешендерінен пәтерлер толықтай әрленген, қоныстануға дайын күйінде берілген. Ал бөлме саны тұрғындардың бұрынғы пәтерлеріндегі бөлме санына сәйкес беріліп, отбасылардың қалыптасқан тұрмыс жағдайын сақтауға мүмкіндік жасалған. 🔷 Тұрғындарды жаңа үйлерге көшіру жалғасуда. Бүгін Нұрлыбаев көшесі, 5А мекенжайындағы ескі үйде тұрған тағы сегіз отбасыға жаңа пәтерлердің кілттері табысталды. Кілт табыстау рәсіміне қала әкімі Ғабит Сыздықбеков қатысты. 🔷 Қала басшысы жаңа қоныс иелерін құттықтап, Көксай аумағын жаңғырту тек тұрғын үй қорын жаңартумен шектелмей, инфрақұрылымды дамыту мен аумақты абаттандыруды да қамтитынын атап өтті. 🔷 Мегаполис басшысы бұл бағыттағы жұмыс кешенді түрде жүргізіліп жатқанын және үй қорын кезең-кезеңімен жаңарту көзделгенін айтты. Көксай ауданын жаңғырту аясында инфрақұрылымды дамыту, қоғамдық кеңістіктерді абаттандыру және тұрғындарға қолайлы орта қалыптастыру жоспарланғанын жеткізді. 🔷 Айта кету керек, ауданның жаңғырту жұмысы алдағы уақытта да жалғасады. Тұжырымдаманы жүзеге асыру нәтижесінде тұрғын үй қоры біртіндеп жаңартылып, қоғамдық кеңістіктер абаттандырылады, Шымкент тұрғындары үшін өмір сүруге қолайлы жағдай жасалады. Шымкент қаласы әкімінің баспасөз қызметі

АУЫЛ ШАРУАШЫЛЫҒЫ ЖӘРМЕҢКЕСІ ӨТЕДІ 🔷 Құрметті Шымкент тұрғындары мен қала қонақтары! 🔷 15 наурыз күні Шымсити шағынауданында ауыл шаруашылығы өнімдерінің жәрмеңкесі өтеді. 🔷 Жәрмеңкеде жергілікті тауар өндірушілер өз өнімдерін тұрғындарға қолжетімді бағамен ұсынады. 🔷 Уақыты: 15.03.2026 ж. Сағат 06:00-ден 20:00-ге дейін. 🔷 Мекенжайы: Шымсити шағынауданы, Түркия көшесі, 8. 🔷 Баршаңызды жәрмеңкеге қатысуға шақырамыз! Шымкент қаласы әкімінің баспасөз қызметі

ШЫМКЕНТТЕ 90 ОТБАСЫ ПӘТЕРЛІ БОЛДЫ 🔷 Шымкент қаласындағы «Көрме» орталығында жалдамалы пәтерлердің кілтін табыстау рәсімі өтті. Көптен күткен жаңа баспананың кілті баспана кезегінде тұрған 90 отбасына табыстылды. 🔷 Іс-шараға қала әкімі Ғабит Сыздықбеков қатысты. Мегаполис басшысы жаңа қоныс иелерін құттықтап, бұл оқиғаның әр отбасы үшін маңыздылығын атап өтті. 🔷 Жаңа үйлер Асар-2 шағынауданында орналасқан және барлық инженерлік коммуникациямен қамтамасыз етілген. Үйлерді тапсыру нысандардың дайын болуына және құжаттардың рәсімделуіне қарай кезең-кезеңімен жүзеге асырылады. 🔷 Айта кетейік, жалдамалы пәтерлер мүгедектігі бар азаматтарға, толық емес отбасыларға, ерекше балаларды тәрбиелеп отырған отбасыларға, сондай-ақ, жетім балалар мен ата-анасының қамқорлығынсыз қалған балаларға берілді. Шымкент қаласы әкімінің баспасөз қызметі

Құрметті Шымкент тұрғындары мен қала қонақтары! Сіздердің назарларыңызға Әз-Наурыз мерекесінің он күндік бағдарламасы өтетін толық мекенжайы мен уақыты көрсетілген кестені ұсынамыз. Шымкент қаласы әкімінің баспасөз қызметі _______________________________________ Уважаемые жители и гости города Шымкент! Представляем вашему вниманию таблицу с полной программой десятидневного празднования праздника Наурыз, в которой указаны места и время проведения мероприятий. Пресс-служба акима города Шымкент.

ШЫМКЕНТ: ӘЗ-НАУРЫЗ 10 КҮН БОЙЫ МЕРЕКЕЛЕНЕДІ 🔷 22 наурыз – Ұлыстың Ұлы күніне орай Шымкент қаласында арнайы мерекелік бағдарлама әзірленді. Бағдарлама жылдағы дәстүр бойынша 10 күн бойы өткізіледі. 🔷 1. 14 Наурыз – Көрісу күні – Амал мерекесі. «Наурыз-думан» мерекелік қойылымы мен «Ұлыстың ұлы күні – Наурыз» этно-фольклорлы қойылымы, кітап көрмесі ұсынылады. 🔷 2. 15 наурыз – Қайырымдылық күні. Қайырымдылық күніне арналған көрме-жәрмеңке, қолөнер шеберлерінің, баспа үйлерінің жәрмеңкесі, кітапханалардың көрмесі өтеді. 🔷 3. 16 наурыз – Мәдениет және ұлттық салт дәстүр күні. Бұл күн аясында қолөнер шеберлерінің көрмесі, шеберлік сағаттары, шығармашыл одақ өкілдерімен кездесулер, «Жарамазан fest» республикалық фестивалі ұйымдастырылады. 🔷 4. 17 Наурыз – Шаңырақ күні. Отбасы құндылықтары дәріптеліп, ЖИ-негіздерін оқыту, викториналық, интеллектуалдық ойындар, дрон-футбол, VR ойындар, сонымен қатар, «Жылы жүрек – өмір шуағы» мерекелік кеші өтеді. 🔷 5. 18 Наурыз – Ұлттық киім күні. Мереке аясында ұлттық киім дизайнерлерінің сәндік дефилесі, көрме-жәрмеңкесі өткізіледі. 🔷 6. 19 Наурыз – Жаңару күні. «Стартаптар аллеясы» көрмесі, робот-техника көрмесі болады. 🔷 7. 20 Наурыз – Ұлттық спорт күні. Аударыспақ, қыз қуу, бәйге, ләңгі тебі, асық ату, гір тасын көтеру, арқан тарту сияқты ұлттық спорт ойындарынан жарыстар ұйымдастырылады. 🔷 8. 21 Наурыз – Ынтымақ күні. Наурыз мейрамының мәнін ашатын театрландырылған көріністер қойылып, жергілікті және отандық эстрада әншілерінің қатысуымен күндізгі мерекелік концерт, гастрономиялық фестиваль өтеді. 🔷 9. 22 Наурыз – Жыл басы. Қаладағы барлық алаңдарда мерекелік концерттік бағдарламалар ұйымдастырылады. 🔷 10. 23 Наурыз – Тазару күні. Мегаполисте «Таза LIKE» экологиялық акциясы, жаппай сенбілік өткізіледі. Мерекелік гала-концерт болады. 🔷 Сонымен қатар, 24 наурыз күні оркестрлер айтысы ұйымдастырылып, қазақ ұлт-аспаптар, симфониялық, эстрадалық оркестрлердің айтысы өтеді. Шымкент қаласы әкімінің баспасөз қызметі